Wëllkomm

Merci dass der bei ons era luusst.

D'Izeger Musek gouf 1920 gegrënnt a gehéiert zanterhier zum kulturellen Duerfliewen.

Haut besteet de Veräin aus enger dynamescher Equipe vu 44 Musikanten, déi bei all Manifestatioun am Duerf fir déi adequat Stëmmung suergt. Doriwwer eraus vertrëtt d'Izeger Musek d'Duerf iwwer d'Grenze vun der Hesper Gemeng eraus, sief et duerch sëlleche Concerten oder duerch Optrëtt vun der Strëpp, den Heebléiser.

All Saison studéiert a presentéiert d'Izeger Musek dräi Programmer, e Chrëschtconcert, e Galaconcert am Fréijoer an e lëftege Summerprogramm. De Repertoire ass enorm a geet duerch all Beräicher vun der Blosmusek

D'Stëmmung an der Musek ass richteg gutt an den Asaatz vun de Musikanten an alle Leit ronderëm ass enorm. Am Schnëtt huet d'Fanfare am Joer ca. 30 Manifestatiounen déi an enger flotter Ambiance iwwer d'Bühn ginn.


Conseil d'administration

D'Fanfare Izeg a.s.b.l. gëtt vun engem Conseil d'administration vu 7 Leit geleet. Déi sinn ëmmer gutt beschäftegt fir déi sëlleche Manifestatioune vun der Musek ze organiséieren an ze finanzéieren.
Weider Detailer...

Museksall a Prouwen

De Sëtz vun der Musek ass am Gebai vun der Aler Schoul zu Izeg No. 3, op der Hesperstrooss. Hei profitéiere mir vun engem schéine Sall, deen d'Gemeng renovéiert huet an dee mir de 19. September 2003 aweie konnten. Mir prouwe regelméisseg freides um 19H30 zesumme mat de jonke Musikante bis 20H30. Duerno, déi net méi sou jonk bis 21H30.

Hutt dir Loscht fir matzespillen?

Dir spillt een Instrument a wëllt zesumme mat frëndlechen a gutt gelaunte Musikante spillen. Da kontaktéiert onse Sekretär oder soss ee Musikant aus der Musek fir weider Detailer gewuer ze ginn.

Groussen Ensembel

De groussen Ensembel besteet aus allen Izeger Musikanten, souwuel de jonke wéi och den net méi esou jonke Leit. All musikaleschen Niveau ass vertrueden, vum Ufänger bis bei de professionelle Musikant. Geprouft gëtt d'ganzt Joer fir déi grouss Optrëtter, wéi Galaconcert, Chrëschtconcert oder soss Concerte bei méi festleche Geleeënheeten.

Heebléiser

D'Strëpp vun der Izeger Musek ass oft dobäi wann eng Kaz geschleeft gëtt a spillt ëmmer dem Evenement ugepasste Stëmmungsmusek. Am Repertoire si bekannte lëtzebuerger Lidder fir matzesangen, mee och international Schunkellidder oder bekannte Chansonen a Filmmusek.

 

Frënn vun der Izeger Musek

Zanter 2003 huet d'Izeger Musek duerch d'Grënnung vun de Frënn vun der Izeger Musek eng staark Ënnerstëtzung krut. Si hëllefen der Musek wou se kënnen. Fir hier Aarbecht si mir dankbar. Mir wënschen hinne weiderhi vill Succès an ons zesumme vill flott Stonnen.

Programm an Engagementer

Am Prinzip gëtt de Programm vun der Musek ugangs der Saison festgeluecht an da mat der Zäit ugepasst. Mir freeën ons op all Engagement a mir si fir all nei Experienz op, souwäit wéi et zäitlech ze arrangéieren ass. Wann Dir interesséiert sidd, da frot d'Detailer bei onsem Sekretär no.

Merci un all eis Nolauschterer a Supporteren

Alles wier net esou cool ouni ons trei Supporteren. Hinne gehéiert onse Merci a mir freeën ons, wann esou vill Leit wéi méiglech ons lauschteren a sech mat ons zesummen ameséieren.